Amnistía Internacional lleva a les escueles asturianes la so campaña “Una postal, una vida”

28 febreru 00:37 2006 Imprimir

Más de cuatro mil neños y neñas, pertenecientes a veintisiete colexos ya institutos asturianos, participen a lo llargo de los meses de febreru y marzu na campaña “Una postal, una vida” entamada por Amnistía Internacional y qu’ esti añu cumple la so décima edición. La campaña tenta que los escolinos d’Asturies colaboren na defensa de menores que ven gravemente conculcaos los sos derechos humanos en diverses partes del mundu.

La campaña “Una postal, una vida” de 2006 quier llamar l’atención sobre la violencia que sufren les muyeres que defenden los derechos humanos en Colombia. En concreto, los escolinos van unviar postales al gobiernu colombianu solicitando protección pa una neña que recibió amenaces por mor del llabor de so madre, defensora de los derechos humanos nesi país.

  Categories:
Loading Facebook Comments ...