Amboaje y Sondecuba aporten a San Mateo con Sweet Soul Music Revue, Fuel Fandangu y la Nueche Cubana del Día d’América

Amboaje y Sondecuba aporten a San Mateo con Sweet Soul Music Revue, Fuel Fandangu y la Nueche Cubana del Día d’América
19 setiembre 14:10 2017 Imprimir

El Concursu de Rock (Plaza Feijoo) va cuntar con Amboaje como artista invitáu y na Plaza del Paragües va actuar Sondecuba. A les tables del Teatru Filarmónica llega “La mio llucha”, el nuevu espectáculu protagonizáu por Antonia SanJuan.

Esti martes 19 ye’l Día d’América n’Asturies y eso notaráse tamién na selección de los conciertos nocherniegos, porque dende les cinco de tardar y a lo llargo de la cai Uría va celebrase la 67 edición del colorista desfile que xune a la ciudá y a Asturies con tola comunidá iberoamericana.

A partir de les nueve de la nueche, l’escenariu de la Plaza de la Catedral va cuntar cola actuación de Sweet Soul Music Revue, una formación que rinde homenaxe a les más grandes voces y creaciones del soul norteamericanu de tolos tiempos. Sobro les once, dará-yos el relevu la orixinal y esitosa propuesta musical de Fuel Fandangu. Pa cerrar la velada, cuatro grupos van convertir esti martes de San Mateo nuna auténtica Nueche Cubana. La Plaza del Paragües, a partir de les 23:00 h va tener tamién ritmos caribeños, al cargu de la formación Sondecuba.

Na Plaza Feijoo, a les 22:30, el XX Concursu de Rock Ciudá d’Uviéu-Alejandro Blancu “Escayu” llega al so ecuador, con trés nuevos grupos participantes y l’actuación, como artista invitáu, de Amboaje y el so “All about living”.

Esti martes va haber verbena nel Paséu del Bombé. Dempués de que’l Coru de Muyeres de San Esteban de les Cruces amenice tardar (19:30), la nueche va dar pasu al baillotéu cola orquesta Europea Big Bang (23:00).

La propuesta escénica pa esti martes nel Teatru Filarmónica ye la nueva obra d’Antonia San Juan, titulada “La mio llucha”. L’actriz amuesa’l so talentu interpretativo metiéndose na piel d’un cientu de personaxes distintos que, al traviés del humor, emponen hasta reflexones más fondes sobro’l ser humanu. Va Ser a les 20:30 h.

La xente menudo va tener nel Campu San Francisco les sos atracciones principales: de 17:00 a 20:00 h, el Paraísu Gamer Mini, nel edificiu del Pavu Real; ente les 19:00 a 21:00 h, el tren infantil LIBERBANK y los talleres d’Alfarería Creativo del Paséu de la Ferradura, col pequespectáculu “Zascandileando”, a les 19:00.

Nel Estanque Cuadonga, maxa col Gran Braulio (19:00). Nel Paséu de la Rosaleda, la comedia “Fumen, Musicólogu” y la música de Los Rockolas; y nel Paséu del Angelín, la proyección de la película d’animación y fantasía Zootrópolis (19:00) y el documental “Xeometría de la Rellumanza”, dientro del Espaciu OVICLIP, a les 21:00 h.

Descargar programa San Mateo 2017

  Categories: