Amazon podría acabar col doble de trabayadores contrataos a la fin del añu

Amazon podría acabar col doble de trabayadores contrataos a la fin del añu
15 08:51 2017 Imprimir

El gran beneficiáu de la xeneralización de les vientes al traviés d’Internet ta siendo’l xigante del ecommerce Amazon, que cada añu aumenta los sos ingresos a nivel internacional y que podría acabar col doble de trabayadores contrataos a la fin del añu.

Avérense unes de les selmanes más fuertes del añu en facturación del comerciu al per menor gracies al ‘Black Friday’, que se va celebrar el vienres 24 de payares, y les fiestes navidiegues. Como foi’l casu nos últimos años, bien probablemente’l comerciu electrónicu va robar terrén a les tiendes físiques como manera de compra.

El gran beneficiáu de la xeneralización de les vientes al traviés d’Internet ye’l xigante del ecommerce Amazon, que cada añu aumenta los sos ingresos a nivel internacional, especialmente nel cuartu trimestre de cada añu. Como amuesa esta infografía de Statista, Amazon tamién aumentó’l so númberu de trabayadores de forma constante dende 2007. Anguaño, sicasí, la cifra de contratación inclusive podría algamar un nuevu récord. Si d’ochobre a avientu Amazon decide dar un nuevu impulsu a la so plantiya, esta dacuando podría inclusive doblar el númberu d’emplegaos en nómina en solo un añu.

Amazon peslló 2016 con 341.400 persones contrataes y apocayá anunció qu’a final de setiembre estes aumentaren hasta les 541.900, solo 140.900 para algamar el doble de 2016.

  Categories: