Alumnos del San Fernando y Castrillón ganen los premios de fotografía de Difac

by redacción asturnews | noviembre 12, 2020 11:38 am

Los alumnos del San Fernando atroparon ayeri cinco de los siete premios del concursu de fotografía de l’Asociación de Discapacitaos Físicos d’Avilés y Contorna (Difac), fallaos ayeri. Los dos premios restantes recayeron n’escolares del CRA d’Illas y el colexu Manuel Álvarez Iglesias de Salinas.

Les imaxes reconocíes anguaño fueron les d’Álvaro Abellán (Escribi lo que te fai feliz coles lletres que te da la vida), Helena Prats (Güela, ¿per ónde salimos?), Tania Ferreiro (Una forma d’ayudar ye nun fadiar), Diego Álvarez (Menguando’l to silenciu), Alba Yuste (¡¿Ecolóxicu y non accesible?¿), toos ellos de sestu cursu del San Fernando, Gabriel Pardo (Les barreres de los sentíos), de sestu del CRA Illas-Castrillón, y Iyán Dosal (Lo difícil ye andar nuna ciudá discapacitada), tamién de sestu del Manuel Álvarez Iglesias.

Nel concursu, qu’anguaño celebra la so séptima edición, participaron alumnos d’ocho centros avilesinos, trés de Castrillón, unu de Corvera y el d’Illas. En total, recibiéronse 104 imaxes que trataben de denunciar situaciones o amosar realidaes rellacionaes coles persones con discapacidá física.

El fallu emitióse ayeri dempués de que la entidá contabilizara los votos emitíos por caúnu de los miembros del xuráu, qu’anguaño nun pudo axuntase como sueli ser habitual por cuenta de les restricciones pola pandemia.

Source URL: http://asturnews.com/alumnos-del-san-fernando-y-castrillon-ganen-los-premios-de-fotografia-de-difac/