Portada Europa Alredor de 5.000 persones pidieron la oficialidá de la llingua vasca nes cais de la capital de Navarra

Alredor de 5.000 persones pidieron la oficialidá de la llingua vasca nes cais de la capital de Navarra

by asturnet

Les casi d’Iruñea, la capital de la comunidá foral de Navarra, fueron testigos esta fin de selmana de la manifestación a favor de la oficialidá “plena” del euskera na comunidá. Alredor de 5.000 persones, unes 2.000 según otres fontes, reclamaron la oficialidá del euskera embaxo’l lema “Euskaraz bizitzeko eskubidearen alde. Euskara ofiziala» (Pol drechu a vivir n’euskera. Llingua vasca oficial).

La manifestación terminó na Plaza del Castiellu con un comunicáu lleíu n’euskera y en castellán, qu’en nome de los convocantes lleeron Paul Bilbao y Aitziber Sarasola.

Nél, fízose un llamáu al Gobiernu foral y una defensa del drechu a vivir n’euskera. Recordaron que l’euskara yá cuenta col sofitu de la sociedá, pero necesita “una proteición xurídica plena”. Del mesmu mou, pidieron que se camudara la política llingüística d’anguaño, “que trata d’arrequexar l’euskara”, y dixeron que la Llei del Vascuente, aprobada pel Parlamentu en 1986, “dixebra y ñega los drechos llingüísticos de los ciudadanos”.

Tamién te podria gustar