Alphabet sigue xorreciendo a pesar del coronavirus

Alphabet sigue xorreciendo a pesar del coronavirus
03 mayu 10:53 2020 Imprimir

Alphabet sigue viendo xorrecer los sos beneficios a pesar del coronavirus, al aumentar los sos ingresos nun 13% respectu al mesmu periodu del añu pasáu, con 41.159 millones de dólares.

Ayeri la empresa matriz de Google, Alphabet, publicó les sos cuentes financieres referentes al primer trimestre del añu. Según estes, la compañía consiguió aumentar los sos ingresos nun 13% respectu al mesmu periodu del añu pasáu, con 41.159 millones de dólares estadounidenses frente a los 36.339 millones de 2019. Sicasí, tal que alvierte Sundar Pichai, director executivu de la empresa, “(anque) el rendimientu de los dos primeros meses del trimestre foi fuerte, nel mes de marzu esperimentó una importante ralentización de la facturación procedente de publicidá.”

Les resultancies de Alphabet, que los sos ingresos proceden en más d’un 83% de los anuncios, pueden refundiar daqué de lluz sobre’l sector de los medios de comunicación online. Los medios dixitales, anque polo xeneral aumentaron el so tráficu pol enorme interés d’información de los ciudadanos sobre’l coronavirus, ye posible que sufran un descensu de la facturación pola fonda crisis de les empreses anunciantes en dellos sectores.

Fuente: https://es.statista.com

  Categories: