Algaire preséntanos el so primer discu ‘Coral y Maera’

Esti vienres 9, na Plaza Arturo Arias de Xixón, los ganadores del caberu concursu pa grupos mozos del Festival Intercélticu de Lorient van presentar el so primer discu. Algaire presenta “Coral y Maera”, financiáu por aciu una campaña de crowdfunding realizada mientres el branu de 2021.

Algaire naz en 2020 como un proyectu de voz y percusión tradicional asturiana. Les distintes formaciones musicales de los sos componentes llueu dieron pasu a la busca de nueves sonoridaes y confluencias d’estilos. El so repertoriu, formáu tantu por reelaboraciones, como por temes de nueva composición, avera la percusión tradicional y la llingua asturiana a una propuesta na que conviven tradición y modernidá.

Participaron en festivales como “Al Resve” (Xixón), “Ochobre Folk” y “Folixa na Primavera” (Mieres), “Alcuentros de Música Asturiana de Xixón”, “Festival Internacional de la Gaita” (Villaviciosa) y “Festival de Bandes de Gaites Villa de Xixón”.

Nesta ocasión, Algaire preséntanos Coral y Maera, el so primer trabayu discográficu, financiáu por aciu una campaña de crowdfunding realizada mientres el branu de 2021. Nél recuéyense 12 de les temes que sonaron nos conciertos del grupu dende los entamos de la so andadura.

Algaire son:

• Carla Miranda, percusiones y voz
• Iratxe Escayu, percusiones y voz
• Loreto Suárez, percusiones y voz
• Juan Yagüe, gaita, acordión y guitarra acústica

Plaza Arturo Arias de Xixón
9 de setiembre de 2022 a les 20:30