Alfredo Quintana axunta’l primer panel d’espertos del Observatoriu Turísticu d’Uviéu

Alfredo Quintana axunta’l primer panel d’espertos del Observatoriu Turísticu d’Uviéu
18 setiembre 09:03 2020 Imprimir

Alfredo García Quintana, Conceyal de Turismu del Conceyu d’Uviéu, axuntó esta selmana al primer Panel d’Espertos del Observatoriu Turísticu. A la xunta celebrada nel Conceyu d’Uviéu asistieron representantes del comerciu local, hostelería, hotelería y guíes turísticos.

La xunta tuvo llugar nel Salón de Plenos del edificiu consistorial y el Panel tuvo conformáu por representantes del comerciu local, de la hostelería, de la hotelería y de los guíes turísticos.

García Quintana manifestó que l’oxetivu d’esta primer xunta ye la de:

  •     Apurrir datos reales y siguíos de les característiques del sector turísticu, al envís de tratar d’ameyorar la competitividá de les empreses pertenecientes a esti sector na ciudá d’Uviéu.
  •     Facilitar información abonda y calidable que sirva de base a tomar de decisiones de los distintos axentes económicos implicaos nel sector turísticu.
  •     Fomentar el bancia ente los distintos axentes económicos que componen el sector.
  •     Contribuyir al desenvolvimientu del sector turísticu n’Uviéu nun momentu de cambéu fondu nesta industria.

El conceyal valoró la xunta como “bien positiva” que se desenvolvió “nun momentu bien oportunu”, una y bones el sector turísticu encara xuna “situación inédita”. Quintana destacó que ye’l momentu de “xunir estratexes y esfuerzos” para “garantizar” la viabilidá d’una industria que tien un impactu económicu y nel empléu “bien importante” n’Uviéu.

El conceyal de Turismu remató anunciando qu’esti panel celebráu güei “ye’l primeru d’una serie que se van  dir completando nes próximes selmanes”.

  Categories: