Portada Música Alejandro Sanz xúnese al movimientu contra la reventa dixital d’entraes

Alejandro Sanz xúnese al movimientu contra la reventa dixital d’entraes

by redacción asturnews
Foto: Venue Magazine (https://www.flickr.com/photos/venuemag/)

El cantante Alejandro Sanz vieno acabante facer anuncia de la creación de l’Alianza “Anti-reventa”, una práctica que considera “inxusta” pa espectadores y artistes, tres vese afectáu pola “reventa masiva” d’entraes pal so conciertu de Madrid.

“Nun ye xusto qu’unos pocos s’aprovechen de les ilusiones de munchos, por eso pido a los mios compañeros que se xunan a esta alianza y qu’esixamos a les nueses autoridaes que pongan en marcha los mecanismos necesarios pa evitar la reventa”, espresó’l cantante español nun comunicáu nel qu’esplica esta iniciativa impulsada per elli.

L’Alianza, según la nota, naz coles mires de “poner fin” a esta “abusiva situación” y solicita al Gobiernu y/o les Comunidaes Autónomes de manera enérxica y urxente” una lexislación efectiva” pa la era dixital que prohiba con calter xeneral la reventa especulativa d’entraes.

Tamién pide que s’actúe pa “defender a los consumidores”, tal que se fai en países como Reinu Xuníu, Italia o Francia. Según Sanz, la reventa d’entraes por Internet “nun fai más que perxudicar a tol sector y,  cuantimás, a los consumidores”, polo que considera tamién que se trata d’una estafa a los fans”.

Tamién te podria gustar