Portada Sociedá Alcuerdu inicial ente Uviéu y el Principáu a la d’ampliar la Plaza de toros

Alcuerdu inicial ente Uviéu y el Principáu a la d’ampliar la Plaza de toros

by redacción asturnews

L’Alcalde, Alfredo Canteli, destacó no postrero la selmana  “l’enfotu de collaborar” del Principáu p’ampliar la Plaza de toros, en axuntándose cola conseyera de Cultura, Berta Piñán, asegurando que “too ye posible p’ampliar l’aforu del cueso uvieín a 5.000 persones”, sobre manera “agora que’l Conceyu va ellaborar l’anteproyectu pa la Plaza y treslladalu a Patrimoniu pa da-y encaxe”.

L’alcuentru, destacó l’Alcalde, tamién sirvió pa encetar el plan pal Campu San Francisco y en concretu’l planteamientu d’instalar un restorán nel edificiu del Pavu Real, “daqué pa lo que nun ponen pega en Patrimoniu”.

Sobro l’allugamientu d’un albergue de pelegrinos nel conventu de Les Pelayes, Canteli aseguró que “sería un luxu pa Uviéu” y amosó la so voluntá de collaborar p’ameyorar l’accesibilidá necesaria “dende’l xardín de la Catedral y delles obres interiores”.

Tamién te podria gustar