Portada Plástiques Alcuentru con Marián González en Blimea

Alcuentru con Marián González en Blimea

by redacción asturnews

La Casona del Bravial acueye esti martes 28 de xunetu a les 7 la tarde un alcuentru con motivu de la esposición “La Puerta del Ánxel” de l’artista blimeína Marián González Fanjul, que se pue visitar nesti centru cultural dende’l pasáu 14 de xunetu. Nel alcuentru los asistentes van tener ocasión de visitar la muestra n’horariu de tarde y compartir impresiones cola autora sobre los testos, dibuxos y material audiovisual que nos presenta, a traviés de los que nos tresporta a un mundu d’opuestos, onde la lluz y la escuridá y el bien y el mal s’entemecen pa facenos reflexonar sobre la nuestra propia esistencia.

La esposición va poder visitase hasta’l próximu vienres 31 de xunetu.

Tamién te podria gustar