Alcuentru ciudadanu ente Avilés y Saint-Nazaire p’aldericar sobro la desafección ciudadana cola UE

by redacción asturnews | octubre 5, 2018 1:00 pm

Hasta 8 d’ochobre n’Avilés, cola asistencia d’una delegación francesa formada por 44 persones va desenvolvese un  alcuentru ciudadanu ente Avilés y Saint-Nazaire p’aldericar sobro la desafección ciudadana cola Xunión Europea.

L’alcuentru mentáu forma parte del proyectu “Ser européu o sentise européu”, llideráu poles asociaciones dinamizadoras del hermanamiento ente dambes ciudaes. Conferencies, coloquios y grupos de trabayu conformen el gruesu del programa d’esti alcuentru.

Esti vienres 5, el Centru de Servicios Universitarios d’Avilés (C/La Ferrería, 7-9) acueye, dende les 10 hores, un actu nel que dos persones de Saint-Nazaire y otres dos persones d’Avilés van comentar la so visión de “Europa y los retos de la UE”. Rosalén Secu, de l’asociación Auniendo Fronteres 1277, va ser la encargada de presentales. Por aciu esta charra-coloquiu preténdese tamién dar voz a la opinión del públicu presente, fomentando l’alderique ciudadanu. A les 17 hores, la delegación francesa y la so representante política, Gaëlle Bénize-Thual, van ser recibíes nel Conceyu d’Avilés por Yolanda Alonso, concejala de Promoción Social y Cultura.

Pal sábadu 6 ta previstu’l trabayu en grupos. Va Ser a partir de les 10 hores nel Centru de Servicios Universitarios d’Avilés (cai la Ferrería, 7-9), xirando alredor de les siguientes temes:

Estos grupos van siguir los sos alderiques el llunes 8, nel mesmu horariu y llugar. Esa mesma xornada va dar a conocer la resultancia de la encuesta que les dos ciudaes ellaboraron pa conocer el sentir y la percepción de la ciudadanía sobro Europa.

Más información[1]

Endnotes:
  1. Más información: http://aviles.es/web/guest/inicio/-/asset_publisher/iuRYQKs29WiC/content/encuentro-ciudadano-entre-aviles-y-saint-nazaire-para-debatir-sobre-la-desafeccion-ciudadana-con-la-ue/12305

Source URL: http://asturnews.com/alcuentru-ciudadanu-ente-aviles-y-saint-nazaire-paldericar-sobro-la-desafeccion-ciudadana-cola-ue/