Alcuentru ciudadanu ente Avilés y Saint-Nazaire p’aldericar sobro la desafección ciudadana cola UE

Alcuentru ciudadanu ente Avilés y Saint-Nazaire p’aldericar sobro la desafección ciudadana cola UE
05 ochobre 13:00 2018 Imprimir

Hasta 8 d’ochobre n’Avilés, cola asistencia d’una delegación francesa formada por 44 persones va desenvolvese un  alcuentru ciudadanu ente Avilés y Saint-Nazaire p’aldericar sobro la desafección ciudadana cola Xunión Europea.

L’alcuentru mentáu forma parte del proyectu “Ser européu o sentise européu”, llideráu poles asociaciones dinamizadoras del hermanamiento ente dambes ciudaes. Conferencies, coloquios y grupos de trabayu conformen el gruesu del programa d’esti alcuentru.

Esti vienres 5, el Centru de Servicios Universitarios d’Avilés (C/La Ferrería, 7-9) acueye, dende les 10 hores, un actu nel que dos persones de Saint-Nazaire y otres dos persones d’Avilés van comentar la so visión de “Europa y los retos de la UE”. Rosalén Secu, de l’asociación Auniendo Fronteres 1277, va ser la encargada de presentales. Por aciu esta charra-coloquiu preténdese tamién dar voz a la opinión del públicu presente, fomentando l’alderique ciudadanu. A les 17 hores, la delegación francesa y la so representante política, Gaëlle Bénize-Thual, van ser recibíes nel Conceyu d’Avilés por Yolanda Alonso, concejala de Promoción Social y Cultura.

Pal sábadu 6 ta previstu’l trabayu en grupos. Va Ser a partir de les 10 hores nel Centru de Servicios Universitarios d’Avilés (cai la Ferrería, 7-9), xirando alredor de les siguientes temes:

  • Desafección y conocencia de la UE
  • Qué modelu d’Europa queremos la ciudadanía
  • Movimientos migratorios y la UE
  • Igualdá na UE

Estos grupos van siguir los sos alderiques el llunes 8, nel mesmu horariu y llugar. Esa mesma xornada va dar a conocer la resultancia de la encuesta que les dos ciudaes ellaboraron pa conocer el sentir y la percepción de la ciudadanía sobro Europa.

Más información

  Categories: