Portada Lliteratura Alcuentros Poéticos nel Antiguu Institutu con Isabel Marina

Alcuentros Poéticos nel Antiguu Institutu con Isabel Marina

by redacción asturnews

La sala de conferencies del Centru de Cultura Antiguu Institutu de Xixón va acoyer esti vienres 21 de febreru, a les 20 hores, ún de los alcuentros poéticos que se desenvuelvern nesti Centru cola avilesina Isabel Marina.

Isabel Marina (Avilés, 1968) ye autora de los poemarios titulaos Aceru nos Llabios (Ediciones Camelot, 2016) y Un pianu ente la nieve (Ediciones Bajamar, 2018). Poemes qu’apaecen en revistes como Cuadernos de Humo, Anáfora, Maremagnum, Areté, Estación poesía, L’áticu de los gatos, etc.

Participó en 2017 nos alcuentros poéticos del Monesteriu de Valdediós, y los sos poemes fueron publicaos nel llibru Festina Lente.

Participa davezu en conxustes poétiques y recitales y ye vocal de l’Asociación d’Escritores d’Asturies. Participa na antoloxía poética Fai Versos (Ediciones Nieva, 2018), Agua de palabres(Ediciones Nieva, 2014), según nel volume colectivo Mina de palabres, (AEA, 2015)

Llicenciada en Periodismu pola Universidá de Navarra y máster de Radio Nacional d’España, como periodista, foi directora de comunicación de la Universidá Carlos III de Madrid y redactora xefe de la so revista institucional (1992-2010). Asesora personal de prensa de Gregorio Peces-Barba Martínez, padre de la Constitución Española.

Centru de Cultura Antiguu Institutu. Sala de conferencies. Vienres 21 de febreru, a les 20.00

Tamién te podria gustar