Alcuentros poéticos con Carolina Sarmiento en Xixón

El Centru de Cultura Antiguu Institutu, acueye na so Sala de conferencies, esti vienres 26 d’abril a partir de les 20 hores unu más de los sos Alcuentros Poéticos con Carolina Sarmiento (Asturies, 1981), periodista na radiotelevisión pública asturiana (RTPA).

Fundadora de la revista dixital Creatividá Lliteraria y coordinadora de talleres de narrativa, Carolina trabayó para delles instituciones, ente otres, la Cinemateca Portuguesa, el Muséu del Pueblu d’Asturies o la Fundación Princesa d’Asturies. Publicó’l poemariu Ikiru (Ed. Gravitaciones, 2018) y hai compilado los sos meyores cien entrevistes a escritores col títulu ¿Qué ye creatividá lliteraria?. Coles mesmes cunta con dos noveles inédites: Feito y El rastru que dexes.

Suañar sobro sábanes de sable;
escribir con fueyes ente los deos;
vivir col frescor de la yerba, colos
pies inda na tierra.

Centru de Cultura Antiguu Institutu. Sala de conferencies. Vienres 26 d’abril a les 20.00 hores
Presenta: Juan Gallu.