Portada Plástiques Alcontraos los restos mortales de La Gioconda

Alcontraos los restos mortales de La Gioconda

by redacción asturnews

L’investigador Silvano Vinceti aseguró esta selmana que vieno acabante d’atopar los restos mortales de Llisa Gherardini, muyer que posó pal pintor Leonardo Da Vinci nel so famosu cuadru La Gioconda.

L’afayu producióse sigún elli nel conventu de Santa Úrsula de Florencia, onde, tres la prueba del Carbonu 14, les amueses ósees topaes por Vicenti revelen que son compatibles col periodu nel que morrió Gherardini, el 15 de xunetu de 1542 a la edá de 63 años.

Los restos óseos atopáronse nun habitáculu y podríen corresponder a la tibia y el fémur de Gherardini, esposa del ricu comerciante Francesco del Giocondo.

“Ye bien probable qu’atopáramos los restos óseos vos de La Gioconda y tamién hai elementos converxentes que demuestren qu’afayemos la tumba de Llisa. Falo d’estudios históricos, antropolóxicos y arqueolóxicos lleváu a cabu con rigor”, señaló Vicenti.

Tamién te podria gustar