Portada Música Alberto & García aporten al Xovellanos

Alberto & García aporten al Xovellanos

by redacción asturnews

Flores Negres, el nuevu discu d’Alberto & García, qu’aporten a presentalu en Xixón, ta compuestu por diez cantares orixinales onde la banda asturiana vuelve faer gala de la so estensa variedá de rexistros, atopándonos influencies de ritmos y elementos típicos del folclore llatinoamericanu, y otros colores más propios del pop-rock anglosaxón.

Boleru, cumbia, funk, discu, o pop-rock, tán en comunión mientres esti llarga duración nel que cada tema atopa’l so pesu específicu ensin por ello perder un ápice de coherencia narrativa al escuchalo de manera completa, como siempres, con testos en castellán. Amás, para esta ocasión cunten con dos collaboraciones de luxu: la de Miren Iza “Tulsa” (El Milagru) y David Ruiz de La Maraviyosa Orquesta del Alcohol (Animales Escondíos).

El septetu asturianu vuelve ponese so los mandos de Toni Brunet (Coque Malla, Quique González…) pa la producción esti discu. Flores negres ta grabáu mientres los meses d’avientu, xineru y febreru n’Estudiu B (Bernardo Calvo, Pedro Cazorla) y Audiomatic Studio de Madrid y masterizado por Isaac Ricu n’Estudios Metropol.

Pa Alberto & García , fueron dos años de gran intensidá musical, con una estensa xira que los llevó a dalgunos de los escenarios más importantes de tola xeografía española, incluyendo festivales como Mad Cool, Xigante, Granada Sound, Sonorama Rivera, Songs For An Ewan Day, Prestoso, Ribeira Sacra o Monkey Week SON Estrella Galicia, presentáu los sos postreros – hasta’l momentu- trabayos discográficos, el llarga duración El Bon Selvaxe (Boomerang Disco, 2018) y el EP Fenómenos Paranormales (Boomerang Disco, 2019), qu’incluyía la so aplaudida versión de “Encaloráu” de Los Diaños.

Agora, ve la lluz el so cuartu álbum, del que yá pudimos escuchar nos meses previos, los adelantos “Elefante”, “El Milagru”, “Verdá de la Bona”, “Branu” y a partir de setiembre Animales Escondíos”.

Tamién te podria gustar