Al rescate de la poesía con Pablo Rodríguez Medina

Al rescate de la poesía con Pablo Rodríguez Medina
11 10:05 2015 Imprimir

Neños y neñes dela cuenca, quedaron ablucaos nel primer taller d’animación a la llectura que se facía en Sotrondio depués de qu’un misteriosu personaxe estrozare una esposición sobre poesía.

Los neños y neñes participantes nos talleres d’animación a la llectura qu’entamaron el pasáu vienres na Casa de la Mocedá de Sotrondio quedaron ablucaos cuando vieron qu’un misteriosu personaxe estrozare una esposición sobre poesía asturiana que se diba inaugurar nesti centru. Dempués de la sorpresa inicial, los participantes recibieron les instrucciones de los monitores de Bocina Nalón y l’escritor Pablo Rodríguez Medina, que-yos propunxieron reconstruyir la esposición a traviés del so trabayu.

Yá’l vienres se punxeron manes a la obra, y tuvieron trabayando cuestiones como la rima, el ritmu y los caligrames. Tou esti trabayu va siguir desendolcándose’l próximu vienres 13 y el so resultáu va vese’l día 27, cuando se va inaugurar una esposición con tol trabayu lleváu a cabu por estos neños.

Los talleres formen parte de la programación de les XIV Xornaes de Lliteratura Infantil y Xuvenil qu’entama’l conceyu de Samartín del Rei Aurelio, y na que tamién s’incluyen representaciones teatrales empobinaes a centros educativos.

Pablo Rodríguez Medina imparte el taller de poesía en Sotrondio con dellos neños y neñes

Pablo Rodríguez Medina impartiendo’l taller de poesía

Loading Facebook Comments ...