Plástiques Afayen n’Indonesia la pintura rupestre figurativa más antigua del mundu by redacción asturnews 20 de xineru, 2021 written by redacción asturnews 20 de xineru, 2021 3,K La pintura rupestre figurativa más antigua del mundu ye la imaxe d’un gochu verrugosu pintada hai 45.500 años nuna cueva de la isla indonesia de Célebes y descubierta por un grupu d’arqueólogos australianos ya indonesios, según informaron la selmana pasada fuentes académiques. “Hasta onde sabemos, la pintura del gochu de Célebes qu’atopamos na cueva de piedra caliar de Leang Tedongnge ye anguaño’l trabayu artísticu figurativu más antiguu del mundu”, dixo nun comunicáu Adam Brumm, unu de los líderes del equipu científicu de la Universidá de Griffith y el centru d’investigación arqueolóxica indonesia ARKENAS. La imaxe reemplaza como pintura rupestre figurativa más antigua del mundu a otra descubierta en 2020 na mesma isla pol equipu de Brumm que representaba una escena astracta de caza de fai 43.900 años. El nuevu afayu despintábase dientro d’una de les parés internes de la cueva Leang Tedongnge, asitiada nun valle arrodiáu de cantiles serrapatosos de piedra caliar nel sur de la isla de Célebes y solo puede aportase a ella mientres la temporada seca por un pequenu pasaxe que permanez anubiertu mientres la dómina d’agües. Los paisanos, del grupu étnicu Bugis, aseguraron que, sacante ellos, naide más s’enfusara na cueva hasta que llegó esti equipu d’arqueólogos en 2017. 0 FacebookTwitterPinterestEmail Anterior Los pasaportes de Xapón son los que dexen viaxar a más países ensin necesidá de visa siguiente Correos va convertir la V Esposición d’Arte Postal d’Avilés nel primer sellu d’esta disciplina Tamién te podria gustar “Nos dominios de trés” homenaxea a la pintora... Avilés reivindica a Trinidad Fernández con mediu centenar... La esposición “Cuerpos albentestate” recueye la creatividá reivindicativa... La Factoría Cultural inaugura Y-LIFE, de Juan Falcón,... La esposición “Dos patries llevo comigo” fai alcordanza... Mieres pon en marcha’l programa de visites al... Una esposición amuesa la evolución de la muyer... Inaugurada la VII Esposición d’Arte Postal n’Avilés, con... El tercer Ciclu d’Ilustración de la Ventana de... Avilés recuerda’l so vertixinosu sieglu XX cola esposición...