Afayáu un misteriosu templu de 700 años ocultu nuna lluriga n’Inglaterra

13 marzu 13:12 2017 Imprimir

Nes fondures de lo que paecía ser una lluriga de coneyos corriente nuna granxa nel condáu de Shropshire (oeste d’Inglaterra) atopóse esta selmana pasada un antiguu templu d’unos siete sieglos d’antigüedá, qu’ufierta abondes novedaes ne estudiu de los templarios.

El covarón llamó l’atención de Historic England, l’organismu encargáu de caltener los enclaves arqueolóxicos na rexón británica, dempués de que’l fotógrafu Michael Scott redescubriera un llugar que yá viera al traviés de vídeos n’internet. Scott enfusose pol estrechu túnel hasta que foi a parar a una rede de pasiellos con arcos tallaos en piedres d’arenisca, un espaciu que según l’organismu oficial “podría ser utilizáu pa rituales de maxa negro”.

Según la lleenda local, les cueves nel condáu de Shropshire yeren utilizaos polos caballeros templarios, magar Hisoric England cree que’l covarón foi construyida a finales del sieglu XVIII o principios del XIX, cuando la Orde del Temple yá s’había disueltu.

“Cuando llegué al interior había un silenciu absolutu. Vi unes poques arañes, pero namás. Como taba lloviendo, la rimada pa llegar a la cueva taba llena de folla, pero adientro taba seca”, describió’l fotógrafu a la cadena pública británica. Los espertos sorrayen que, a pesar de les creencies locales, la conexón ente les cueves de la rexón y los templarios ye improbable.

Los templarios fueron una orde militar católica fundada nel sieglu XII pa protexer a los pelegrinos que se dirixíen a Jerusalén per rutes peligroses, pero llegó a tener un enorme poder económicu y políticu.

  Categories: