Adrián Barbón promete dir la gueta’l consesu y algamar la oficialidá

by redacción asturnews | julio 11, 2019 6:03 pm

El discursu de investidura d’Adrián Barbón enllargóse casi una hora y cuntó con una intervención que non por naguada resultó menos sorpresiva. Prometió trabayar pa consiguir el consensu necesariu para la oficialidá y facer falando n’asturianu.

Los sos principales socios políticos mientres la llexislatura, Izquierda Xunida, recibieron esi detalle con prestu. Y ye qu’anque en principiu nun salgan los númberos para sacar alantre una reforma del Estatutu, Barbón quixo dedicar parte del so discursu pa defender el patrimoniu y la riqueza cultural de la rexón y, d’esta forma, “trabayar pa evitar la desapaición del asturianu”.

Barbón aprovechó en delles ocasiones mientres la so intervención pa poner enriba de la mesa la incongruencia ya hipocresía del PP asturianu con al respective de esti asuntu, apellando a Mallada de forma directa, preguntar porque la postura del so partíu ye distinta na vecina comunidá gallega torgando tener a los asturianu los mesmos derechos que concede a los gallegos.

La vocera d’IX, Angela Vallina, reconoció pela so parte’l prestu pol chisgu d’Adrián Barbón a la oficialidá como un claru síntoma de que daqué ta camudando al respective de la llingua, dempués de que’l candidatu utilizara la llingua p’anunciar que va buscar sofitos pa la reforma del Estatutu nesti sentíu. “Creo que ye un bon principiu. Al PP habría que pregunta-y que por qué-y paez bien que Feijóo (Alberto Núñez, presidente de Galicia) fale en gallegu y nun podamos los asturianos falar na nuesa llingua”.

Endnotes:
  1. http://asturnews.com/wp-content/uploads/2019/07/Adrian-Barbon-vuelve-a-apostar-pola-oficialida-nel-discursu-dinvestidura-y-usa-lasturia.mp4: http://asturnews.com/wp-content/uploads/2019/07/Adrian-Barbon-vuelve-a-apostar-pola-oficialida-nel-discursu-dinvestidura-y-usa-lasturia.mp4

Source URL: http://asturnews.com/adrian-barbon-promete-dir-la-guetal-consesu-y-algamar-la-oficialida/