Educación ADECCO collabora mientres la crisis del Covid-19 by redacción asturnews 7 d'abril, 2020 written by redacción asturnews 7 d'abril, 2020 140 La empresa de Recursos Humanos Adecco punxo en marcha dos iniciatives gratuites por que toa la ciudadanía, tantu emplegada como en situación de desemplegu, aproveche estes selmanes pa realizar cursos de formación on line que contribuyan a ameyorar el so perfil profesional y un programa de recolocación on line de trés meses de duración. La primera de les iniciatives consiste n’una plataforma con más de 70 programes formativos gratuitos, estremaos en bloques temáticos. Pueden adquirise nueves competencies en distintes materies como’l desenvolvimientu de negociu, la xestión d’equipos o competencies dixitales. Tamién programes d’idiomes o de seguridá y bienestar nel trabayu. Complementa la ufierta formativa cursos sobro técniques de comunicación, desenvolvimientu d’habilidaes personales, lideralgu positivu y productividá. Cada unidá ta formada por distintos apartaos qu’inclúin videos, casos prácticos o test; el siguimientu del procesu de formación en cada programa ye dafechu dinámicu y tolos módulos xeneren el so correspondiente diploma tres el so finalización. Apuerta a la ufierta formativa nel siguiente link: https://empresas.adecco.es/adeccopropositoformacion/ La segunda iniciativa ye un programa de recolocación on line de trés meses de duración. La iniciativa, llevada a cabu al pie de la compañía del Grupu Adecco, LHH, presenta distintes píldores d’aprendizaxe sobro transición de carreres, talleres grupales con consultores especializaos en reorientación llaboral, o xuntes virtuales d’equipos de trabayu con otros candidatos, conducíes por un coach de carreres. Les persones comenenciudes tamién van poder aportar a ufiertes d’empléu específiques, técniques de busca d’empléu y orientación llaboral. Más información: https://www.lhh.com/es/es/por-que-lhh/que-es-la-recolocacion 0 FacebookTwitterPinterestEmail Anterior Uviéu rinde tributu a les Hermandaes y Confreríes de Selmana Santa siguiente Abriese una ventana a los museos de Xixón Tamién te podria gustar Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes L’ALLA abre’l plazu pa los cursos de la... “Misteriu nel Soterrañu” algama’l premiu Alfonso Iglesias de... Tapia acueye la presentación del II Premiu «Quiastolita»... El Principáu y la UOC firmen un conveniu... Asturies destaca en comprensión llectora L’IES Real Institutu Xovellanos entama sos primeres Xornaes... Xornada Evaluación de programes educativos Entamen los talleres ‘Enfoca la to vida’ n’Avilés...