Portada Escéniques Acróbata y Arlequín de la compañía La Maquiné abre FETEN 2020

Acróbata y Arlequín de la compañía La Maquiné abre FETEN 2020

by redacción asturnews

El vienres 24 de xineru van salir a la vienta les entraes pal espectáculu d’inauguración de FETEN, Acróbata y Arlequín de la compañía La Maquiné, y el restu d’entraes de los espectáculos que van tener llugar nel Teatru Xovellanos n’horariu de tarde incluyida la clausura y tamién los abonos FETEN.

La inauguración oficial de FETEN va tener llugar el próximu domingu 9 de febreru a les 18 hores nel Teatru Xovellanos con Acróbata y Arlequín de la compañía La Maquiné, un espectáculu nel que se va llevar a escena la hestoria de Pablo, un nuevu vagamundu que vive na cai. Un día un circu llega a la ciudá y Pablo entra nél como ayudante cola esperanza de ver el so suañu fechu realidá: salir de la cai y ser parte de la familia de saltimbanquis. Pero Pablo va tener qu’aprender a respetar y curiar a los animales del circu. Al traviés d’esta tienra hestoria vamos afayar les peripecies de Pablo para ser parte d’una familia na que toos seres humanos y animales— viven en completa harmonía y llibertá. Vamos Afayar pervalibles llecciones sobre la convivencia y el respetu a los animales.

Amás vamos poder esfrutar d’Acróbata y Arlequín de la compañía La Maquiné el día de PREFERIA, el sábadu 8 de febreru a les 19.30 h nel Teatru Xovellanos

Duración: 60 min.
Edá encamentada: A partir de 4 años
Aprecio: 6 euros

Más información sobre l’espectáculu  

Tamién te podria gustar