Portada Educación Acabáronse les recuperaciones finales na ESO pa esti cursu

Acabáronse les recuperaciones finales na ESO pa esti cursu

by redacción asturnews

Esti cursu yá nun va haber en denguna les autonomíes pruebes de recuperación pa los estudiantes que suspendan dalguna asignatura nos exames finales de cualesquier de los cuatro años que componen la Educación Secundaria Obligatoria (ESO).

Acabáronse les repesques que se realizaben en xunu o setiembre, según los territorios y les decisiones tomaes poles distintes conseyeríes educatives. Sí van caltenese sicasí les pruebes de recuperación en Bachilleratu, onde los alumnos solo van pasar a segundu si nun suspenden más de dos asignatures, como yá asocede agora.

A partir d’este mesmu cursu van ser los y les profesores que dan clase al estudiante d’ESO, axuntaos de manera conxunta, quien decidan si l’alumnu pasa o nun pasa de cursu, ensin tener como baremu determinante para ello’l númberu concretu d’asignatures suspendíes, como sí asocedía hasta agora (solo podía pasase con un máximu de trés suspensos).

La única entruga que tendrán de contestar en mayu próximu estos docentes de manera colexada, pa determinar si l’adolescente de la ESO repite o non el cursu, ye si, magar les materies ensin superar, sían les que sían, cuenta con competencies y habilidaes abondes para recuperar los conocencies ensin completar y siguir con ésitu los sos estudios. Si ye un sí, va pasar. Si ye un non, va repitir. Nun habrá repesques nin llendes de suspensos.

Estos criterios, que desenvuelven lo dispuesto na nueva llei educativa, la Lomloe aprobada n’avientu pasáu, van ser d’obligáu cumplimientu en toles escueles ya institutos del país a partir de l’aprobación del real decretu d’evaluación, promoción y titulación, documentu que’l Ministeriu d’Educación tien previstu llevar pa la so ratificación al Conseyu de Ministros del próximu martes.

El real decretoua valir dende la próxima selmana inclúi les normes que van rexir d’equí p’arriba les notes, el pasu de cursu y la finalización de los estudios de caúna de les etapes. Ye la única pauta a siguir en toos centros educativos españoles yá dende este mesmu cursu.

 

Tamién te podria gustar