Portada Escéniques Abril entama apináu d’actividaes nos Centros Culturales de Versalles, La Lluz y La Carriona d’Avilés

Abril entama apináu d’actividaes nos Centros Culturales de Versalles, La Lluz y La Carriona d’Avilés

by redacción asturnews

Abril entama apináu d’actividaes nos Centros Culturales de Versalles, La Lluz y La Carriona d’Avilés: Teatru p’adultos, teatru familiar, talleres de hip-hop, maxa, cuentacuentos y talleres d’animación a la llectura completen la progrmación.

El mes d’abril preséntase llenu d’actos nos centros culturales d’Avilés. Ye firme la voluntá de la conceyalía de Cultura de potenciar l’actividá cultural nos barrios, y asina se vio reflexáu nos presupuestos municipales de 2018, cuidao que la inversión nellos, tantu en propuestes de dinamización, y fundamentalmente en materia cultural, multiplicóse por cinco.

Teatru p’adultos, teatru familiar, talleres de hip-hop, maxa, cuentacuentos y talleres d’animación a la llectura protagonicen un programa qu’atiende a tolos públicos, con especial protagonismu de neños, neñes y nueves. Hai actividaes programaes mientres toles selmanes d’abril nos centros socioculturales de Versalles/Los Canapés, La Lluz y La Carriona, amás de la biblioteca Bárganos Candamo na Casa de Cultura.

“Del amontu inversor na partida de promoción cultural, alredor de 78.000 euros más  destínense de forma directa a la planificación d’un mayor númberu d’actividaes nos centros culturales”, recordó Yolanda Alonso, concejala responsable de la Área de Cultura del Conceyu d’Avilés. “La cultura ye un elementu vertebrador del nuesu programa, y faela accesible a tolos barrios non solo ye un compromisu, sinón una necesidá y una realidá que queremos reforzar acordies con los vecinos. Porque l’accesu a la cultura ye un derechu y una forma de siguir construyendo la ciudá que queremos”, añedió.

Más información

Tamién te podria gustar