Portada Cine Abrese’l plazu pa pertenecer al Xuráu Mozu del 58 FICX

Abrese’l plazu pa pertenecer al Xuráu Mozu del 58 FICX

by redacción asturnews

El Festival Internacional de Cine de Xixón abre la convocatoria pa escoyer a los miembros del Xuráu Mozu pa la 58 edición del certame. La mocedá d’ente 17 y 25 años d’edá va poder participar nesta convocatoria, previa entrega d’una curtia memoria de motivación y una crítica cinematográfica sobro una película estrenada en 2019 o un curtiu vídeu-planosecuencia de temática llibre.

La condición imprescindible pa poder participar como miembru del Xuráu Nuevu implica tener disponibilidá mientres los ocho díes que dura’l certame, del 20 al 28 de payares, coles mires de poder allegar a visionar les proyecciones de películes a competición.

Amás, los miembros del Xuráu van recibir una acreditación completa que-yos dará accesu a toles sesiones de cine amás d’a los actos d’inauguración y clausura. Axúntense les Bases pa más información según la ficha d’inscripción pa poder participar.

El plazu de presentación de solicitúes va tar abiertu hasta esti sábadu 31 d’ochobre a les 14:00 hores.
CONSULTA EQUÍ LES BASES

Más información

Tamién te podria gustar