Abrese’l ‘Call for papers’ del 45 Coloquiu Internacional de la AFEAF

Abrese’l ‘Call for papers’ del 45 Coloquiu Internacional de la AFEAF
30 setiembre 08:49 2020 Imprimir

Sol títulu “La Europa de les materies primes nel 1er mileniu a.n.y. Esplotación, Tresformamientu y Espardimientu” va celebrase en Xixón el 45 Coloquiu Internacional de la AFEAF centrándose nes materies primes n’Europa, y el conxuntu de les actividaes con elles rellacionaes y esta selmana vieno acabante abrise’l plazu de presentación de comunicaciones.

Les propuestes de comunicación o de póster tienen de ser unviaes a la secretaría del coloquiu antes del 30 de setiembre de 2020, faciendo constar los datos del autor o autores ya institución a la que pertenecen, títulu y resume billingüe de 1600 calteres pa los pósters y de 2500 a 3000 pa les comunicaciones. van presentar en dos de les llingües aceptaes nel coloquiu: francés, español o inglés, pa la so inclusión nes pre-actes. Dirección d’unviada de les propuestes:  afeaf.gijongmail.com

El coloquiu tien por oxetu l’alderique científicu basáu na presentación de nuevos llogros (metodolóxicos y teóricos) afaciéndose a los trés fasteres propuestes. Los artículos de síntesis, según les producciones científiques innovadores, son les aportaciones qu’esperes preferentemente. La presentación d’un únicu xacimientu, d’un pequenu llote d’oxetos o de los nuevos proyectos d’investigación tamién van ser consideraos, pero pa ser presentaos en forma de póster, que van ser publicaos y van disponer d’un espaciu abondu.

La presentación de les actes ta programada pa coincidir col coloquiu de 2023, publicáu na collection AFEAF y la unviada de los manuscritos tien como fecha llende’l 15 d’ochobre de 2021. Los idiomes aceptaos van ser los mesmos que les llingües aceptaes nel coloquiu (francés, español ya inglés).

Organizador: Museos Arqueologicos de Xixón/Xixón
Cuando:Hasta’l 1 d’ochobre de 2020 De 02:00 a 01:59

  Categories: