ConceyosSociedá Abrese la presentación de ponencies pal 45 Coloquiu Internacional de la AFEAF by redacción asturnews 22 de xunu, 2020 written by redacción asturnews 22 de xunu, 2020 884 Sol títulu “La Europa de les materies primes nel 1er mileniu a.n.y. Esplotación, Tresformamientu y Espardimientu” va celebrase en Xixón el 45 Coloquiu Internacional de la AFEAF centrándose nes materies primes n’Europa, y el conxuntu de les actividaes y habites con elles rellacionaes. Propuestes de comunicación Les propuestes de comunicación o de póster tienen de ser unviaes a la secretaría del coloquiu antes del 30 de setiembre de 2020, faciendo constar los datos del autor o autores ya institución a la que pertenecen, títulu y resume billingüe de 1600 calteres pa los pósters y de 2500 a 3000 pa les comunicaciones. van presentar en dos de les llingües aceptaes nel coloquiu: francés, español o inglés, pa la so inclusión nes pre-actes. Dirección d’unviada de les propuestes: afeaf.gijon@gmail.com Encamientos y oxetivos El coloquiu tien por oxetu l’alderique científicu basáu na presentación de nuevos llogros (metodolóxicos y teóricos) afaciéndose a los trés tarrezas propuestos. Los artículos de síntesis, según les producciones científiques innovadores, son les aportaciones qu’esperamos preferentemente. La presentación d’un únicu xacimientu, d’un pequenu llote d’oxetos o de los nuevos proyectos d’investigación tamién van ser consideraos, pero pa ser presentaos en forma de póster, que van ser publicaos y van disponer d’un espaciu abondu. Publicación de les actes La presentación de les actes ta programada pa coincidir col coloquiu de 2023, publicáu na collection AFEAF. La unviada de los manuscritos tien como fecha llende’l 15 d’ochobre de 2021. Los idiomes aceptaos van ser los mesmos que les llingües aceptaes nel coloquiu (francés, español ya inglés). Más información 0 FacebookTwitterPinterestEmail Anterior Xixón reformula’l Puntu Lila pa facelu itinerante siguiente Loquillo va reabrir les puertes del Wizink Center de Madrid con un conciertu’l 3 de xunetu Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón Barry B pieslla’l cartelu del Festival VESU