Portada Plástiques Abrese la esposición colectiva de los talleres de grabáu de la Universidá Popular

Abrese la esposición colectiva de los talleres de grabáu de la Universidá Popular

by redacción asturnews

El Centru Municipal Integráu d’El Llanu y l’Universidá Popular xunense a la celebración del mes marzu reivindicando’l legáu de la muyer con una esposición dedicada a muyeres que desafiaron a la sociedá rompiendo moldes.

Fueron más allá del papel que se-yos asignara y col so trabayu en campos tan desemeyaos como la ciencia, l’aviación o l’arte, dexaron patente la certidume de qu’un mundu paritario ye más diversu, más plurar y más ricu.

La esposición, na que participa l’alumnáu de los trés cursos de grabáu de la UP: iniciación, técniques esperimentales y taller avanzáu, pretende recuperar la buelga que dexaron estes muyeres valientes y icónicas al traviés de dellos trabayos realizaos en técniques diverses como linografías, xilografíes o punta seca, ente otres.

La esposición inaugurose esti xueves 14 de marzu a les 19.30 hores.

Tamién te podria gustar