Abrese la esposición “35 Años cantando (1980-2016) Agrupación Polifónica Centru Asturianu d’Avilés”

Abrese la esposición “35 Años cantando (1980-2016) Agrupación Polifónica Centru Asturianu d’Avilés”
31 marzu 17:45 2016 Imprimir

La esposición “35 Años Cantando. Agrupación Polifónica Centru Asturianu d’Avilés” , producida y comisariada pol Muséu de la Hestoria Urbana d’Avilés, va poder visitase hasta’l 22 de mayu na Sala d’Esposiciones del Muséu d’Hestoria Urbana d’Avilés (Edificiu Antigua Escuela de Cerámica na plaza de Camposagrado).

La esposición foi inaugurada pola concejala de Cultura, Yolanda Alonso, y la presidenta de l’Agrupación Polifónica Centru Asturianu, Carmen Requena, el pasáu 22 de marzu. L’amuesa tien como oxetivu dar a conocer la hestoria d’una de les más antigües y prestixoses agrupaciones corales avilesines.

Dende’l so orixe en 1980 repásase la so hestoria, partiendo de la tradición coral d’una villa que foi conocida na so redolada como “la de los Músicos”, los sos directores y directores y la so actividá amestada en gran parte a la organización del Certame Coral d’Habaneres, que precisamente anguaño algama la so XXV edición, Añoranzas del Mar, etc.

Amás de recoyese la hestoria, coles sos más importantes actuaciones, tamién s’amuesen al públicu una parte importante de los numberosos trofeos consiguíos. Ente ellos el recién”Axuntabense-2015″, la mayor distinción de la Federación Asturiana de Mases Corales, pola trayectoria de l’agrupación. Tamién hai partitures vencíes al coru y una amuesa de los cartelos del concursu dende aquel 1992 hasta’l postreru, obra del artista avilesín Ramón Rodríguez, autor tamién del cartelu anunciador de la esposición.

Coincidiendo col entamu d’esta esposición, nel accesu a les sales d’esposiciones temporales, va amosase -yá con calter permanente-una de les obres de la colección municipal de pintura. Tratarsede la obra de Gonzalo Pérez Espolita, realizada en 1946, y que lleva por títulu “Plazuela de S. Nicolás l’añu 1855″, na que se recueye una imaxe del ambiente mercantil de la plaza na que s’alluga’l muséu y qu’anguaño se denomina Carlos Llobu.

  Categories: