Portada Educación Ábrese’l plazu pa presentar proyectos pa l’Axenda Didáctico-Escolar 2011-2012

Ábrese’l plazu pa presentar proyectos pa l’Axenda Didáctico-Escolar 2011-2012

by asturnet

La Conseyería de Cultura y Deporte, al traviés de la Dirección Xeneral de Política Llingüística, y cola collaboración de la Conseyería de Educación y Universidaes d’Asturies, entama l’«Axenda Didáctico-Escolar» pal cursu 2011-2012, invitando a toles persones, grupos y compañíes de la nuestra actualidá musical, lliteraria y teatral interesaes en participar na mesma a que presenten los sos proyectos.

Pa participar tien que se presentar un proyectu detalláu de l’actividá y los datos que s’indiquen de siguío: Oxetivos didácticos que se quieren algamar cola actividá, material pa trabayar nos centros, duración, tramu d’edá al que se dirixe, breve resume de l’actividá pa unviar a los centros onde se-yos va informar de la mesma y de les necesidaes que riquier lo propuesto: espacios, midíes, necesidaes lletriques, equipos, númberu d’alumnáu, costu de l’actividá, aportunando si tien IVA o si ta esenta, teléfonu y corréu lletrónicu de contactu.

El plazu de presentación ye hasta’l 7 d’ochobre. Los proyectos tienen que se presentar nel Serviciu de Política Llingüística del Principáu d’Asturies (Cai Eduardo Herrera “Herrerita” s/n, 1ª planta, 33006 Uviéu).

Ente tolos proyectos presentaos va facese una selección d’aquellos que meyor s’axusten a les iniciatives d’usu, promoción llingüística y apoyu al trabayu educativu.

Tamién te podria gustar