Portada Sociedá Abre’l préstamu de la Biblioteca Bances Candamo d’Avilés con aforu llindáu

Abre’l préstamu de la Biblioteca Bances Candamo d’Avilés con aforu llindáu

by redacción asturnews

Dientro del plan de desescalada del confinamientu pa la Primer Fase, esti llunes abre’l serviciu de préstamu de la Biblioteca Bances Candamo d’Avilés con aforu llindáu.

N’horariu de 9 a 14:30 hores y de 15:30 a 21 hores pela tarde, de llunes a vienres y calteniendo’l distanciamientu social, esti llunes abre’l serviciu de préstamu de la Biblioteca Bárganos Candamo d’Avilés con aforu llindáu. Van Tener preferencia les persones mayores de 70 años n’horariu de 10:00 a 12:00 hores y de 19:00 a 20:00 hores.

Dientro de les midíes previstes nel denomináu “Plan pa la transición escontra una nueva normalidá” y dada la inclusión d’Asturies a partir del llunes 11 de mayu, na denominada Fase I, va entamar la reapertura equipamientos municipales culturales. Concretamente, la Biblioteca Bárganos   Candamo va retomar el Serviciu de Préstamu al públicu de forma presencial n’horariu de 9:00 a 14:30 hores y de 15:30 a 21:00 hores, de llunes a vienres, dempués de tar zarrada, al igual que’l restu d’equipamientos d’Avilés y de too el país, pola declaración, el pasáu 14 de marzu, del Estáu d’Alarma provocáu pola crisis sanitaria del Covid 19.

A pesar del zarru de les biblioteques, los préstamos de llibros electrónicos tuvieron operativos per internet y dende la páxina de facebook de la Rede de Biblioteques Municipales d’Avilés viniéronse realizando tou tipu d’actividaes. Tal como se contempla nes indicaciones dictaes pol Gobiernu pa la desescalada progresiva del confinamientu, l’accesu de públicu al edificiu de la Biblioteca de Bances Candamo va ser llindáu, debiéndose caltener tantu nel interior como nel esterior la distancia social, y van tener preferencia d’accesu les persones mayores de 70 años n’horariu de 10:00 a 12:00 hores y de 19:00 a 20:00 hores.

Polo que respecta al Muséu de la Hestoria Urbana d’Avilés (MHUA) y el Centru d’Interpretación del Campusantu de La Carriona (CICLAC), tán preparándose pa reabrir les sos puertes al públicu nos próximos díes.

Nel plan de desescalada contémplase l’apertura d’esti tipu d’equipamientos con una ocupación d’hasta un terciu del aforu máximu y con control d’accesos nes sales. Amás d’estos dos condicionantes, van adoptase otres midíes pa la prevención del riesgu ente personal y visitantes, como accesos independientes pa entrada y salida, espositores con folletos, midíes de distanciamientu social, etc.  Nesta primer fase nun se va dexar la presencia de visites de grupos nin otres actividaes d’esta índole.

Tamién te podria gustar