Abre la esposición ¿A qué xugamos?

Abre la esposición ¿A qué xugamos?
16 avientu 10:14 2021 Imprimir

Fotografíes y oxetos de les colecciones del Muséu del Pueblu d’Asturies y Muséu del Ferrocarril d’Asturies conformen la esposición ¿A qué xugamos? que va tar abierta en toes estes vacaciones navidiegues en Xixón. La esposición ye un percorríu pola hestoria d’Asturies al traviés de fotografíes y xuegos, dende principios del sieglu XX hasta los años ochenta, que reflexen l’aspeutu lúdicu de la infancia tantu na cai como na sablera, el parque, el día de Reyes o en tiempos de guerra.

El xuegu esiste dende siempres. Los neños y les neñes xueguen y xugaron mientres tol tiempu que-yos dexaron les circunstancies históriques, económiques, sociales y familiares. Pa xugar ye necesario cuntar con tiempu llibre y non siempres neños y neñes lu tienen. A lo llargo de la hestoria, los mozos y moces de les clases populares viéronse obligaos a trabayar dende la infancia nel campu, talleres  y fábriques, o ayudando a les sos madres nel cuidu de la casa y los hermanos menores, casu de les neñes. Los de les clases acomodaes, anque yeren educaos de forma estricta pensando na so situación social futura, yá dende Roma,  cuntaben  con tiempu para dedicar al xuegu y tamién con xuguetes.

A partir de la década de 1960, la meyora económica xeneral dexó retrasar la edá d’incorporación al mundu llaboral. Asina los rapazos y les rapaces que crecieron entós, cuntaron con xuguetes fabricaos de forma industrial y en serie. Pero, sobremanera, xugaron na cai, corriendo, saltando, escondiéndose, faciendo fantásticos  planes para nuevos xuegos y aventures, aldericando y engarrando o intentando faer les paces, con bien poca intervención de los adultos nesti universu infantil.

Esta esposición realiza un percorríu polos xuegos d’entós  al traviés de los fondos fotográficos del  Muséu del Pueblu d’Asturies

  Categories: