Abiertu’l plazu pa los cursos y talleres del Programa Alc@nza en Xixón

Abiertu’l plazu pa la inscripción en cursos y talleres del Programa Alc@nza del Plan Local de Formación de Xixón, un programa formativu que busca la capacitación de la ciudadanía en competencies dixitales dependiendo de les sos necesidaes y conocencies previes.

RELACIÓN DE CURSOS Y TALLERES ONLINE

• Cursu completu de Microsoft Access con certificación Microsoft Office Specialist
• Dinamizador Web espertu n’allugamientu SEO, SEM y analítica Web, con certificación en Google Analytics
• E-Adminitración y Factura electrónica
• Xestor de Redes Sociales para PYMES y Autónomos, espertu en Hottsuite, con certificación oficial
• Seguridá Informática na Xestión Empresarial
• Taller avanzáu de Microsoft Excel
• Taller avanzáu de Microsoft Word
• Taller sobro Ferramientes Informátiques pa la llevanza de la facturación y control de cobros y pagos

REQUISITOS

• Cuntar con  empadronamientu en Xixón
• Edá a partir de 16 hasta 65 años
• Preferentemente pa persones en desempléu, sacante p’aquellos talleres que contemplen hasta un 50% de participantes que sían autónomos/as con centru de trabayu en Xixón

Na selección conformarán grupos homoxéneos, polo que va poder realizase un prueba de nivel y van priorizase a quien sían derivaos del programa Percancia d’Activación Xuvenil de l’Axencia Local d’Empléu.

Ye imprescindible que les persones interesaes autoricen na so inscripción l’usu de datos personales al Conceyu de Xixón cola cuenta de comprobar l’empadronamientu, la situación  llaboral y el siguimientu posterior d’insertamientu llaboral.

L’alumnáu va recibir un Diploma acreditativu de cursar l’acción formativa.

Toles acciones formatives son gratuites pal alumnáu.