Portada Conceyos Abiertu’l plazu pa los concursos de cartelos y fotografíes del día 8 de Marzu d’Avilés

Abiertu’l plazu pa los concursos de cartelos y fotografíes del día 8 de Marzu d’Avilés

by redacción asturnews

El plazu de presentación de trabayos pal XXII Concursu de Cartelos y el XXII Concursu de Fotografía del “8 de Marzu” convocáu pol Conceyu d’Avilés al traviés de la Conceyalía d’Igualdá ta abiertu hasta’l próximu 3 d’agostu. L’oxetu d’estos concursos ye escoyer el cartelu y les fotografíes que van sirvir d’imaxe pa les actividaes de la Conceyalía d’Igualdá’l 8 de Marzu de 2021.

Nun son concursos esclusivos pa profesionales, asina que dende’l Serviciu d’Igualdá del Conceyu d’Avilés animase a la participación y espardimientu d’estos concursos. El premiu pa Cartelu ye de 900€, y el premiu pa cada modalidá de fotografía (color y blancu y negru) ye de 600€.

Los trabayos qu’alleguen en dambos concursos tendrán de presentase na see electrónica municipal, onde tán disponibles pa la so consulta les bases de dambes convocatories.

Cartelos:           https://sedeelectronica.aviles.es/PublicacionTabs.aspx?tab=12&id=12913&t=S&x=xe6jsF1weuCgUb9pSvkMgA
Fotografíes:     https://sedeelectronica.aviles.es/PublicacionTabs.aspx?tab=12&id=12915&t=S&x=sU4ao7e+5hbek57ZfQ7syw

Tamién te podria gustar