Abiertu’l plazu pa la incorporación de 4 ONGds al Conseyu de Cooperación al Desenvolvimientu d’Uviéu

Abiertu’l plazu pa la incorporación de 4 ONGds al Conseyu de Cooperación al Desenvolvimientu d’Uviéu
11 mayu 09:40 2016 Imprimir

La conceyalía de Cooperación abrió’l plazu pa la presentación de solicitúes, per parte de ONGds al Conseyu Municipal de Cooperación al Desenvolvimientu. El reglamentu del Conseyu recueye que van formar parte del mesmu: “Cuatro representantes de ONGDs que tengan see o delegación permanente n’Uviéu, que tean legalmente constituyíes con anterioridá a dos exercicios económicos a aquel en que se dar en cada renovación del Conseyu y que s’atopen inscrites nel Rexistru d’Organizaciones Non Gubernamentales de Desenvolvimientu del Principáu d’Asturies”.

Asina, el Conseyu Municipal de Cooperación al Desenvolvimientu, en sesión celebrada’l pasáu día 28 d’abril de 2016, alcordó cursar invitación a toles ONGDs que cumplan los requisitos establecíos nel mentáu artículu del Reglamentu pa que formen parte del Conseyu, por un plazu de 15 díes. Arriendes d’ello, abrióse un plazu pa presentar solicitúes a formar parte nel Conseyu, a aquelles ONGds que cumplan los requisitos enantes señalaos, dende’l día 6 al 25 de mayu de 2016, dambos inclusive.

Les solicitúes de participación pa formar parte nel Conseyu, tendrán d’unviase, dientro del plazu indicáu, al traviés d’una carta empobinada a la Conceyalía de Cooperación al Desenvolvimientu, c/ Martínez Marina nº 10, 2º C.P. 33009, o bien un fax al nº 985 98 18 97, manifestando l’interés en participar ya indicando los nomes quien seríen los sos representantes: un titular y un suplente.

  Categories: