Abiertu’l plazu d’inscripción nos Talleres Infantiles d’Avilés pa Selmana Santa

Los Talleres Infantiles d’Avilés (TIA) pa Selmana Santa, que ya tienen abiertu’l so plazu d’inscripción,  desenvolveranse nuna única vez, mientres los díes 29, 30 y 31 de marzu y a lo llargo d’estes trés xornaes programaranse distintes actividaes educatives n’horariu de 7:30 a 15:30 hores, que van tener llugar nun únicu centru, el CEIP Enrique Alonso.

Como vien siendo habitual, aquelles families que la precisen van poder solicitar la prestación del serviciu de comedor y los precios pa esta vez única de 3 díes son de 28,80 € ensin comedor, y de 41,40 € con comedor.

Coles mires de facilitar l’accesu a estes actividaes a toles families que lo precisen, el Conceyu d’Avilés sigue ufiertando la posibilidá de solicitar una bonificación que puede xubir hasta’l 80% del costu de la matrícula, en función de la renta y el númberu de miembros de la unidá familiar.

Puen solicitar plaza na TIA de Selmana Santa los padres, madres o tutor/es llegales de neños y neñes que cursen Infantil o Primaria nel momentu de formalizar la matrícula y, o bien tea empadronáu/a n’Avilés, o bien tenga’l llugar de trabayu n’Avilés, teniendo d’apurrir certificáu de la empresa acreditando esti puntu.

Más información