by redacción asturnews | diciembre 3, 2020 12:25 pm
El programa “Entamando col Insertamientu” vieno acabante abrir el so plazu d’inscripción en Xixón. La so duración va tar entendida dende’l 2 d’ochobre hasta mediaos de marzu, impartiéndose una vegada per selmana n’horariu de mañanes.
Esti programa ta dirixíu a mozos d’ente 16 y 30 años con empadronamientu en Xixón, que tean buscando trabayu o quieran estudiar y volver incorporase al sistema educativu o yá lo tean faciendo y precisen sofitu pa llograr los sos oxetivos.
El programa ufierta la posibilidá a 25 moces, mientres los 6 meses que dura’l programa una tutorización individual, un itinerariu académicu-formativu, y acciones individuales o grupales de busca activa d’emplegu y habilidaes y competencies tresversales clave pa la meyora de la empleabilidá.
Les formaciones básiques incluyíes son Ayudante de Cocina, Atención al Veceru, o Competencies Clave.
Amás, toos van realizar el cursu pa llograr el Certificáu de Manipulación d’Alimentos y van apurrise certificaos acreditativos de diches formaciones. El Proyectu ta cofinanciáu pol Conceyu de Xixónm dientro les subvenciones p’Actuaciones y Proyectos de Promoción Económica y Emplego – Proyectos en REDE 2019/2021
Pa más información sobro esti programa o inscripciones:
Unviar Whatsapp al 615 733 987, llamar al teléfonu 985 32 20 88 ó, unviar un corréu electrónicu a formacion@ciseasturias.org[1] y van cuntate cómo participar.
Source URL: http://asturnews.com/abiertul-plazu-dinscripcion-del-programa-entamando-col-insertamientu/
Copyright ©2021 Asturnews unless otherwise noted.