Portada Educación Abiertu’l plazu de solicitú de les nueves beques “Cuerre y Estudia” de Fundavi

Abiertu’l plazu de solicitú de les nueves beques “Cuerre y Estudia” de Fundavi

by redacción asturnews

Hasta’l 20 de xunu va tar abiertu’l plazu de solicitú de les nueves beques “Cuerre y Estudia” de Fundavi, que van premiar l’esfuerzu de 75 mozos deportistes d’Avilés que compaxinen los sos estudios de Bachilleratu o Ciclu Formativu de Grau Mediu cola práctica deportiva. 

La Fundación Deporte Avilés (Fundavi) convoca les sos nueves beques “Cuerre y Estudia” que tienen como oxetivu premiar a 75 mozos deportistes Avilés que compaxinen los sos estudios cola práctica deportiva. Fundavi va partir un total de 3.750 euros en beques de 50 euros que van poder trocase por material deportivo nun establecimientu especializáu designáu pola fundación.

Les ayudes tán destinaes a alumnáu empadronáu nel conceyu d’Avilés que curse estudios de Bachilleratu o un Ciclu Formativu de Grau Mediu con una nota media final cimera a 8 puntos y que practique cualquier deporte federáu con un club deportivu avilesín na temporada 2017/18.

Les persones interesaes van poder presentar les sos solicitúes hasta’l 20 de xunu na entidá deportiva a la que pertenecen. Van Tener qu’apurrir la siguiente documentación:

  • Certificáu del centru escolar acreditativu de que la nota media del cursu 2017/18 ye cimeru a los 8,00 puntos.
  • Certificáu d’empadronamientu nel conceyu d’Avilés

El llistáu de persones beneficiaries de les beques va faese públicu’l martes 26 de xunu y l’actu d’entrega de les mesmes va tener llugar el día 29.

Pincha equí pa consultar la bases

Tamién te podria gustar