Abiertu’l plazu de matrícula nos Talleres Infantiles d’Avilés (TIA) de Selmana Santa

Abiertu’l plazu de matrícula nos Talleres Infantiles d’Avilés (TIA) de Selmana Santa
03 abril 13:29 2019 Imprimir

Esta selmana quedó abiertu’l plazu de matrícula nos Talleres Infantiles d’Avilés (TIA) de Selmana Santa que van desenvolver nos colexos de Versalles y El Quirinal nuna vez única, los díes 15, 16 y 17 d’abril, con comedor opcional. Les solicitúes pueden presentase de forma presencial y telemática, tamién nel casu de les qu’opten a bonificaciones, que van poder ser d’hasta’l 80%

Esti llunes 1 d’abril quedó abiertu’l plazu de matrícula nos Talleres Infantiles d’Avilés (TIA) qu’entama’l Conceyu d’Avilés y que mientres el próximu periodu de vacaciones escolares va ufiertar 100 places nuna única vez a desenvolver los díes 15, 16 y 17 d’abril sol lema “En Selmana Santa la TIA corona El Bollu”.

Les actividaes van tener llugar n’horariu de 7:30 a 15:30 hores, tantu nel CEIP Versalles como nel CEIP El Quirinal. Los neños y neñes matriculaos van tar estremaos en dos grupos según la so edá -de 4 a 6 años y de 7 a 12 años- y van realizar actividad acordes a la mesma. Van Tar al cargu de profesionales del ámbitu sociocultural, educativu y deportivu y, mientres el serviciu de comedor, van tar atendíos por cuidadores.

Estos talleres desenvuélvense como una midida pa la conciliación de la vida personal, llaboral y familiar mientres los periodos non lectivos, al traviés d’actividaes deportives y d’ociu y tiempu llibre nes que se trabaya la educación en valores. La TIA ye un programa municipal que s’empecipió nel añu 2008. Como ye habitual en toles actividaes escolares municipales, tán previstes bonificaciones para les families que la precisen en función de la renta familiar. Van Ser del 30%, del 50% y hasta el 80% del preciu fitu.

Estos talleres tán dirixíos a neños y neñes que cursen lnfantil o Primaria nel momentu de formalizar la matrícula. Los padres, madres o tutores llegales de los mesmos tendrán de cumplir con unu de los dos siguientes requisitos:

  • Tar empadronáu/a n’Avilés.
  • Tener el llugar de trabayu nel conceyu d’Avilés, teniendo d’apurrir certificáu de la empresa acreditando’l llugar de trabayu.

El plazu para formalizar estes matrícules va rematar el día 9 d’abril a les 14 hores. Podrán realizase matriculaciones al traviés de dos modalidaes: presencial y online, tantu para quien soliciten bonificación como para quien nun lo faigan.

Más información

  Categories: