Abiertes les inscripciones pal taller de manexu de Tablets y Smartphones empobináu a persones mayores

El Serviciu de Mocedá del Conceyu d’Avilés, al traviés de los as nuevos del Proyectu Conecta, va dar respuesta a una demanda que de les persones mayores con ganes de recibir formación p’apoderar el manexu de los móviles y tablets.

Enmarcáu nes actividaes desenvueltes nel proyectu Conecta Nuevu estos talleres van impartse nel Edificiu Fueru’l llunes 23 y el miércoles 25 de 17 a 19 hores. El plazu d’inscripciones ta abiertu dende güei, vienres 6 de mayu, hasta’l llunes 23 de mayu, nel teléfonu 985 561 882 de 10 a 14 hores.

Dende va años, cursos d’esti proyectu formen a persones mayores de 65 años en conteníos básicos d’informática. Ante la demanda específica nel usu de teléfonos móviles y tablets punxéronse manes a la obra y prepararon un taller bien completu sobre cómo usar estes ferramientes tecnolóxiques a les que cada vez apuerten más persones mayores.

Estos mozos, de 16 a 18 años, apoderen perfectamente les nueves tecnoloxíes y dada la so gran esperiencia dando clases, van treslladar de forma accesible y útil cuestiones básiques de manexu d’estos dispositivos.