Abiertes les inscripciones pal Concursu de Xarrés y pa la elección de Xana, Xanina y Dames d’Honor del Bollu n’Avilés

El Concursu de Xarrés y la elección de Xana, Xanina y Dames d’Honor de les Fiestes del Bollu n’Avilés ya tienen abiertu’l plazu d’inscripción. Los proyectos de xarrés van poder presentase hasta’l 19 de febreru y el sortéu ente les candidates a Xana, Xanina y Dames va ser el 12 de marzu.

Esti añu hai delles novedaes nestos concursos como la modificiación del criteriu d’edá pa optar a Xana (15-20 años) y caltiense el de la Xanina ente 8 a 12 años. El sortéu ente toles candidates celebrará’l sábadu 12 de marzu y la Gala de presentación ta programada pal sábadu día 19 de marzu nel Teatru Palacio Valdés.

Estes son les bases que regulen dambos procesos:

Bases del Concursu de Proyectos de Xarrés “El Bollu 2016”

La Conceyalía de Festexos convoca’l Concursu de Proyectos de Xarrés “El Bollu 2016”, que se regula conforme a les siguientes bases:

1º.- va presentase un únicu proyectu en sobre zarráu, en que’l so esterior namá va figurar el títulu o nome del xarré. Dientro va contener:

-Descripción de materiales.

-Númberu de figurantes que vaigan o bien sobre’l xarré o acompañándola, según tipu de paxellu de los mesmos.

-Lleenda esplicativa del títulu o nome dáu al xarré, según la temática de la mesma.

2º.- Asina mesmu, tamién en sobre zarráu aparte, van axuntase los datos de l’asociación o entidá participante. Atención: nel esterior d’esti sobre nun va figurar identificación dalguna, salvo’l títulu del xarré, única y puramente.

3º.- va presentase maqueta a escala del proyectu del xarré, colos máximos detalles posibles. Na mesma namá va poder apaecer el so nome o títulu, enxamás distintivu dalgunu que la rellacione cola entidá o asociación que la presenta.

4º.- La presentación de maquetes y proyectos va tener llugar nes dependencies de la Delegación Municipal de Festexos (C/ Ruiz Gómez, 21) hasta les 14.00 hores del vienres 19 de febreru de 2016. Esi mesmu día, van conocese los proyectos ganadores, a partir de los cualos van realizase los xarrés que van desfilar los díes 27 y 28 de marzu, con ocasión de les fiestes d’El Bollu d’Avilés.

5º.- A la de realizar los xarrés, les entidaes premiaes van haber de tener en cuenta qu’el so altor máximu na cai va ser de 5 metros, a efectos de respetar tendíu eléctricu, faroles, etc… El tresporte o tiru de les mesmes (tractor o vehículos touterrén) va correr por cuenta de los premiaos. Per otra parte, ye obligatoria la contratación d’un seguru de responsabilidá civil que cubra los dos díes de desfile (27 y 28 de marzu).

Premios: van otorgase 6 premios d’igual cuantía pa cada proyectu ganador de 2.790 euros pa cada xarré. Establécense dos premios de consolación de 700 euros.

Plataformes: l’axudicación de plataformes ente los seis proyectos ganadores va facer por aciu sortéu.

Bases sorteo de Xana, Xanina y Dames d’Honor de “El Bollu 2016”

Les candidates a Xana, Xanina y Dames d’Honor de les fiestes d’El Bollu 2016 van poder presentar les sos candidatures hasta’l vienres, 11 de marzu. Les inscripciones van realizar nes dependencies de la Delegación Municipal de Festexos (C/Ruiz Gómez, 21. Oficina Municipal de Turismu d’Avilés), n’horariu de 10.00 a 14.00 hores y de 16.30 a 18.00 hores.

La elección de les afortunaes va tener llugar el sábadu 12 de marzu (12 hores) por sortéu na Casa de Cultura (Plaza d’Álvarez Acebal, 2). Toles candidates van tener qu’esta inexcusablemente presentes el día de la elección. En casu contrariu van quedar escluyíes del sortéu.

La edá de les candidates a Xana y Xanina queda establecida de la siguiente manera:

Xana y Dames d’Honor: de 15 a 20 años cumplíos
Xanina y Dames d’Honor: de 8 a 12 años cumplíos

Les asociaciones de vecinos o entidaes culturales que lo deseyen van poder presentar cuantes candidates consideren, ensin necesidá de selección previa. Asina mesmu, caltiense abierta la inscripción llibre pa cualquier moza o neña que cumpla colos requisitos d’edá enantes descritos.
Nun van poder volver presentase les neñes y moces que fueren escoyíes Xana o Xanina nos postreros 2 años. Sicasí, les Dames d’Honor sí podríen volver presentase pa optar a ser Xana o Xanina.