Portada Educación Abiertes les inscripciones nes actividaes de la Fundación Deportiva d’Avilés

Abiertes les inscripciones nes actividaes de la Fundación Deportiva d’Avilés

by redacción asturnews

El plazu pa inscribise nes actividaes programaes pola Fundación Deportiva Municipal (FDM) d’Avilés pal trimestre ochobre-avientu abrió’l miércoles 19 pa les Actividaes Acuátiques nes piscines municipales (incluyíu les places llibres de los Cursinos d’Enseñanza de Natación pa neños y neñes d’Educación Primaria) y esti xueves 20 pa les actividaes de Deporte en cancha, sala y aire llibre.

Los alumnos y alumnes de les actividaes deportives llevaes a cabu nel trimestre abril-xunu van anovar automáticamente la so matrícula, siempres y cuando nun se dieren de baxa. La única esceición son los cursinos de natación de primaria que tuvieron el so propiu periodu de preinscripciones, sortéu públicu ya inscripciones yá realizaes.

Los nuevos usuarios d’esta ufierta deportiva van poder inscribise en tolos pabellones deportivos municipales y al traviés de www.aviles.es, nel enllaz http://www.ayto-aviles.es/web/deportes/inscripciones. Tamién nos pabellones deportivos va poder recoyese l’impresu para la domiciliación bancaria de los pagos.

La ufierta d’actividaes suma 2.814 places pa les actividaes acuátiques y 2.489 places pa les incluyíes en Deporte pa Toos de les que salen llibres para poder inscribise 1.107 n’actividaes acuátiques y 1.168 n’actividaes de Deporte para Tods.

Más información

Tamién te podria gustar