Portada Conceyos Abiertes hasta’l día 20 les inscripciones pa la TIA de Navidá d’Avilés

Abiertes hasta’l día 20 les inscripciones pa la TIA de Navidá d’Avilés

by redacción asturnews

Yá ta abiertu’l plazu pa la inscripción nos Talleres Infantiles d’Avilés (TIA) pal períodu vacacional escolar navidiegu y como n’años anteriores y coles mires de conciliar la vida familiar y llaboral, les families avilesines van poder recurrir a les actividaes de la TIA que pon en marcha’l Serviciu d’Educación del Conceyu d’Avilés.

Le actividaes de la TIA pa los periodos non lectivos que traen consigo les fiestes navidiegues y que s’entamen en dos veces va ufrir esti añu 30 places per vez nos CEIP Versalles y Enrique Alonso.

L’horariu va ser de 7:30 a 15:30 hores. En total son 120 places que s’ufierten a les families cola posibilidá de recurrir tamién al serviciu de comedor y acoyese a bonificaciones. El plazu de matriculación para dambes veces ye hasta’l llunes día 20 d’avientu.

Les veces son:

  • Primer Vez: los díes 27, 28, 29 y 30 d’avientu de 2021
  • Segunda Vez: los díes 3, 4, 5 y 7 de xineru de 2022

Pueden solicitar plaza na TIA padres, madres o tutor/as llegales de neños y neñes que cursen infantil o primaria nel momentu de formalizar la matrícula y amás axunten dalguna de les siguientes condiciones:

  • Tar empadronáu/a n’Avilés.
  • Tener el llugar de trabayu nel conceyu d’Avilés, teniendo d’apurrir certificáu de la empresa acreditando esti puntu.

Más información

Tamién te podria gustar