Portada Conceyos Abierta la votación pa escoyer al Rei o Reina del Goxu y la Faba d’Avilés

Abierta la votación pa escoyer al Rei o Reina del Goxu y la Faba d’Avilés

by redacción asturnews

Esti martes primeru de payares quedaron abiertes les votaciones pa escoyer al Rei o Reina del Goxu y la Faba del Antroxu de 2023 d’Avilés, que van caltenese hasta el martes 15 de payares. Los vídeos de presentación de dambes candidatures van presentase y pueden vese na canal de YouTube del Conceyu d’Avilés.

Ayeri martes 1 de payares dio empiezu el periodu de votaciones pa escoyer al Rei o Reina del Goxu y la Faba del Antroxu d’Avilés de 2023. Hasta el martes 15 de payares podrá votase por una de les dos propuestes presentaes nesa ocasión: “Los años 90”, de Paula Pérez Sandonís y Noelia Brage Losada, y “La era dixital”, de l’Asociación COMVER. Dambes candidatures van optar a ocupar la vacante del tronu del Rei del Goxu y la Faba que dexó en 2022 la peña “Santa Jarra”, cola so propuesta “Fantasía : Un Antroxu de suañu”.

Les persones que tean interesaes en votar por cualesquier de les dos propuestes van poder faelo del 1 al 15 de payares de forma presencial, na urna asitiada na Oficina Municipal de Turismu , na cai Ruiz Gómez, 21, n’horariu de 10 a 15 hores, de llunes a vienres.

Tamién va ser posible formular el votu de manera telemática , al traviés del siguiente enllaz: https://aviles.es/limesurvey/index.php/776972, hasta les 23:59 hores del 15 de payares.

Tamién te podria gustar