Portada Educación Abierta la inscripción pa un cursu de “Dinamización d’actividaes de tiempu llibre infantil y xuvenil”

Abierta la inscripción pa un cursu de “Dinamización d’actividaes de tiempu llibre infantil y xuvenil”

by redacción asturnews

El cursu “Dinamización d’actividaes de tiempu llibre infantil y xuvenil” abre inscripciones esti vienres 1 de marzu. Va entamar el 1 d’abril nel Centru d’Emplegu Europa, con una duración de 320 hores, de les que 160 van ser práctiques non llaborales.

La Sección de Formación y Empléu del Conceyu d’Avilés tien programao’l cursu gratuitu “Dinamización d’actividaes de tiempu llibre educativu infantil y xuvenil”, que se va desenvolver a partir del 1 d’abril. Esti vienres 1 de marzu abrirá’l plazu de formalización d’inscripciones, que se va estender hasta’l vienres 15 de marzu. Podrán realizase nes instalaciones del Centru de Empleo Europa (avenida d’Uviéu, 9). Cuenta con diez places, ye gratuitu y ta dirixíu a persones titulaes nESO, desemplegaes y pertenecientes a colectivos con mayores dificultaes d’insertamientu. Quien lo supere van llograr un Certificáu de Profesionalidá de Nivel 2.

Los diez persones participantes van recibir nociones para la organización, dinamización y evaluación d’actividaes de tiempu llibre educativu dirixíes a la infancia y a la mocedá, aplicando técniques d’animación grupal ya incidiendo na educación en valores. Amás, van apurríse-yos conocencies para l’aplicación de midíes básiques de seguridá y la prevención de riesgos.

La duración del cursu ye de 320 hores, de les cuales 150 correspuenden a la parte formativa, 160 a práctiques profesionales non llaborales n’empreses o entidaes del sector, y 10 a formación complementaria n’insertamientu llaboral, sensibilización medioambiental ya igualdá de xéneru. La fecha prevista para la finalización del cursu ye’l 3 de xunetu, y l’horariu lectivu va ser de llunes a vienres, de 9 a 14 hores, col Centru de Empleo Europa como see principal.

Esta acción formativa ta destinada a persones graduaes n’Educación Secundaria Obligatoria, en situación de desempléu y pertenecientes a colectivos con mayores dificultaes d’insertamientu. Nesti sentíu, van atendese preferentemente les solicitúes de muyeres víctimes de violencia de xéneru, persones con discapacidá, en situación d’esclusión social, families monoparentales y muyeres con dificultaes d’insertamientu.

Quien superen esta acción formativa van llograr el Certificáu de Profesionalidá Dinamización d’Actividaes de Tiempu Llibre Nivel 2. Por ese motivu, esti cursu tamién ta dirixíu a persones posesores d’un Certificáu de Profesionalidá de Nivel 1 na familia de Servicios Socioculturales y a la Comunidá.

Tamién te podria gustar