Educación Ábierta la inscripción pa les XXXIX Xornaes Internacionales d’Estudiu by redacción asturnews 18 d'ochobre, 2021 written by redacción asturnews 18 d'ochobre, 2021 2,4K Les Xornaes Internacionales d’Estudiu de l’Academia de la Llingua Asturiana vuelven llueu del parón pandémicu. La Facultá de Filosofía y Lletres de la Universidá d’Uviéu acueye en Payares tres díes d’actividaes académiques, ponencies, comunicaciones y presentaciones que, en xunto, faen bona amuesa del trabayu d’investigación llingüística n’estayes bien estremaes. Asina, nel tarrén sociollingüístico, l’académicu y caderalgu de la Universidá del País Vascu, Francisco Llera Ramo, va presentar el III Estudiu del Navia-Eo y Reglindis de Ridder, profesora de la Universidá d’Estocolmu, va falar de la importancia sociollingüística de la traducción audiovisual. Dientro d’otros enfoques de la traducción tamién van lleer ponencies los profesores Vicent Escartí (de la Universidá de Valencia) y Cláudia Martins (de la Universidá d’Aveiro). La nómina de ponentes inclúi tamién a Simona Georgescu (Universidá de Bucarest), que va falar de les aportaciones del asturianu a la etimoloxía románica, y a Aurelio González Ovies (Universidá d’Uviéu), que participa con una conferencia sobre’l retornu a la infancia na poesía d’Asturies. Otres ocho comunicaciones curties, dos presentaciones y un diálogu sobre l’asturianada ente Carlos Rubiera y Héctor Braga, completen el programa d’estes XXXIX Xornaes Internacionales d’Estudiu dirixíes por Ana María Cano González y Carmen Muñiz Cachón, de la Universidá d’Uviéu. Les persones interesaes n’asistir han inscribise nel formulariu correspondiente (https://forms.gle/2suTBfo8ZacAVerD7) y facer el pagu de 20 euros per una de les dos víes ufiertaes. Tola información de les Xornaes va tar disponible na web de la institución: www.academiadelallingua.com. 0 FacebookTwitterPinterestEmail Anterior “La Frontera”, “Obús” o Ariel Rot artistes convidaos en La Vega pal 24º Concursu de Rock siguiente Uviéu pon a la vienta les entraes sueltes para les Xornaes de Pianu Tamién te podria gustar Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes L’ALLA abre’l plazu pa los cursos de la... “Misteriu nel Soterrañu” algama’l premiu Alfonso Iglesias de... Tapia acueye la presentación del II Premiu «Quiastolita»... El Principáu y la UOC firmen un conveniu... Asturies destaca en comprensión llectora L’IES Real Institutu Xovellanos entama sos primeres Xornaes... Xornada Evaluación de programes educativos Entamen los talleres ‘Enfoca la to vida’ n’Avilés...