Abierta la inscripción pa cursos de formación n’Avilés con compromisu contratación

Ábrese’l plazu d’inscripción pa los cursos d’Alministración de Sistemes y de Testing, diseñaos dientro del conveniu ente’l Conceyu d’Avilés y el Cluster TIC robláu anguaño. Ta previsto que dambes acciones formatives entamen el 5 de setiembre y cunten con un compromisu de contratación de, siquier, el 40% del alumnáu.  El procesu de selección pa dambos cursos va realizase nel mes de xunetu.

L’oxetivu d’estos cursos ye formar en perfiles profesionales demandaos poles empreses del sector tecnolóxicu. Esti alcuerdu desenvuelve acciones tendentes a la formación, cualificación y, nel so casu, el reciclaje profesional nel sector tecnolóxicu de persones desemplegaes del conceyu.

Más información ya inscripciones