Portada Conceyos Abierta la esposición “Xixón nel silenciu” de Pedro Izaguirre.

Abierta la esposición “Xixón nel silenciu” de Pedro Izaguirre.

by redacción asturnews

Los soníos de la guerra en Xixón yá tán escaecíos y en silenciu y malpenes queda un puñáu de fotografíes,  cuantimás les del fotógrafu xixonés Constantino Suárez, que nos amuesen cómo se vivieron esos años de terror y sufrimientu. Y dende esti martes hasta la final de mes van vese ese imáxenes na sala d’esposiciones del Atenéu La Calzada.

Al traviés de les sos semeyes, faemos una idea de cómo pudo ser esi sufrimientu. Sicasí, nun lo acomuñar a la nuesa redolada, pensamos que ye otra ciudá distinta a la nuesa. Pero interpolando una fotografía actual, de la mesma escena que nos amuesa la colección de Constantino Suárez, vemos que la ciudá sigue siendo prácticamente la mesma: los mesmos edificios, les mesmes aveníes, inclusive les mesmes faroles y barandielles. Con esta técnica asitiamos muncho meyor na escena, cuidao que la localización yá nos ye más familiar. Podemos faenos una idea más real de cómo la guerra non yá ye ‘cosa’ de países alloñaos al nuesu, sinón que fai unos pocos años les nueses cais yeren campera de bombardeos y masacres.

Una esposición fotográfica y audiovisual na que s’amuesen imaxes de los llugares de Xixón que fueron bombardeados pol bandu nacional mientres la Guerra Civil, fundíes coles imaxes actuales de los mesmos llugares.

Tamién te podria gustar