Abierta la convocatoria de subvenciones pa la rehabilitación de fachaes y la meyora d’accesibilidá a los edificios d’Uviéu

Abierta la convocatoria de subvenciones pa la rehabilitación de fachaes y la meyora d’accesibilidá a los edificios d’Uviéu
19 ochobre 18:38 2016 Imprimir

El Boletín Oficial del Principáu d’Asturies (BOPA) publica na so edición de güei la convocatoria del Conceyu d’Uviéu pa la concesión de subvenciones destinaes a la rehabilitación integral de fachaes, ameyorando la so eficiencia enerxética y la so estética, y a favorecer l’accesibilidá, n’edificios colectivos de viviendes.

Esta convocatoria tien una cuantía global de 940.000 euros, que se van partir a la metá ente los dos llínees de subvención y foi  aprobada pola Xunta de Gobiernu’l pasáu 30 de setiembre a propuesta de la conceyalía d’Urbanismu y Mediu Ambiente, que dirixe Ignacio Fernández del Pandorial,

Van ser subvencionables les obres de rehabilitación integral de los panales esteriores del edificiu que supongan una meyora de la so eficiencia enerxética y que, amás, traigan una meyora estética sustancial de los mesmos. Coles mesmes y de forma independiente, tamién van ser oxetu de subvención les obres de meyora de l’accesibilidá del edificiu.

Van ser destinatarios d’estes ayudes los propietarios, individuales o integraos nuna comunidá de propietarios, d’edificios de vivienda colectiva. La execución de les obres o instalaciones oxeto de subvención tendrá de xustificase nun plazu máximu de diez meses. Respectu al importe de la subvención, en loq ue referir a la rehabilitación de fachaes va ser del 45% del presupuestu subvencionable, con una cuantía máxima de 100.000 euros.

No que se refier a obres de meyora de l’accesibilidá del edificiu, l’importe de la subvención va ser el 100% del presupuestu subvencionable, con una cuantía máxima de 30.000 euros. Pue algamase más información nesti enllaz d’equí

  Categories: